منتديات نهر عيشة
اهلا بكم في منتديات نهر عيشة



 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 خل يحتج الرمان خل يحتج التين * مليوصه هيه وشاخ بالديره الگطين

اذهب الى الأسفل 
كاتب الموضوعرسالة
صدى الالم
عضو جديد
عضو جديد


عدد المساهمات : 31
تاريخ التسجيل : 21/07/2011

مُساهمةموضوع: خل يحتج الرمان خل يحتج التين * مليوصه هيه وشاخ بالديره الگطين   الخميس يوليو 21, 2011 10:05 pm

خاف أحچي ويگولون سب الحكومه * كفاره يطّي النوب يرهن إهدومه
سولف يبعد إچلاي ويحلها حلال * إضبط إعصابك زين كون أنت رجال
ذب شصّك وبعدين تصفي القضيه * لو سجن سبع إسنين لو تطّي ديّه
مو شص وحكَ عيناك سلّيه ذبيت * خلي اليصير يصير خلي أهجم البيت
مرت علينه إسنين بس نسمع أخبار * بلكي إنقلاب إيصير والطاغي ينهار
ما قصّر الله إبهاي ودّه النغل بوش * داس إبطن صدام وتفلش الحوش
خابرت أمي إبساع يا يمه وينچ * باجر نرد للبيت خل تگر عينچ
هلهلت يم الباب وإلتمت الناس * مبروك وألف عالخير راح إبن المداس
من غبشه گبل الناس راحت على السوكَ * جابت حضن صمون عود إنّه ريّوكَ
شعلت بخور النوب وتبخر الدار * عام ونص إمتانين والقوري عالنار
أيست والأيام طالن عليها * وردت مثل ما چان تصفچ بأديها
فرحتنه بالتغيير طلعت حلم نوم * مثل السراب وراح ما يبگه للدوم
گلنه الفرج والخير والحظ إجانه * مثل الي راد إگرون گصوا إذانه
نفس الصفر والطاس ما بيّن الزين * بس رحمه مو ممنوع نبچي إعلى الحسين
گالوا بعد سنتين ونوزع إبيوت * تاليها حتى المات ما عنده تابوت
كيّفنه گلنه نصير مثل الإمارات * ماي وضوه وتبليط مو بس قرارت
حجّتهم إستقرار مامش بالبلاد * تانونه عشر إسنين ونضوي بغداد
ننتظر عشر إسنين نحمي إعلى چوله * نتعارك إعلى إبريچ ما عدنه لوله
چا ولكم شتردون غير المسيرات * يتنفس الجوعان حي بعده ما مات
رحمه العلم سواه مجلسنه لونين * إقماشه من باريس وفلوسه بالدين
إمبارك وعالخير هاي العداله * صبح ومسه إيغنون عالبرتقاله
إلنوبه خاف التين من يسمع إيغار * وبساحة الفردوس يحتج على الصار
خل يحتج الرمان خل يحتج التين * مليوصه هيه وشاخ بالديره الگطين
نومتنه هاي إهنا للچمري يهواي * لمن يرد إردود ويغرب الماي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خل يحتج الرمان خل يحتج التين * مليوصه هيه وشاخ بالديره الگطين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نهر عيشة :: القسم الأدبي :: منتدى الشعر والقوافي-
انتقل الى: